Outros servizos e-Administración

A rede de telecentros de comunicación é un servizo público e gratuíto para toda a cidadanía financiado pola Secretaría Xeral de Comunicación, a través da Dirección Xeral de Comunicación Audiovisual, en colaboración cos concellos onde se sitúan as ditas aulas. O Centro Multimedia de Galicia, unidade do Servizo de Xestión do Centro Superior de Documentación (Subdirección Xeral de Telecomunicacións e Audiovisual), encárgase da xestión da rede de telecentros de comunicación realizando, de forma coordinada, a posta en marcha de actividades formativas e a implantación de servizos e de accións de sensibilización e achegamento da poboación.   Pechar

A Secretaría Xeral de Comunicación a través da Dirección Xeral de Comunicación Audiovisual ten dentro de seus obxectivos a formación no ámbito da comunicación dixital mediante as contribucións das novas tecnoloxías no ámbito da comunicación audiovisual. Con este fin, utiliza a rede de centros de comunicación, formada pola rede de aulas multimedia de Galicia e a rede de telecentros de comunicación.
A rede de aulas multimedia constitúese como un medio de comunicación audiovisual necesario para levar a cabo o seu obxectivo fundamental: achegarlle á cidadanía programas de formación multimedia e audiovisuais, que responden ás novas demandas como desenvolvemento de páxinas web, vídeo na internet, CD interactivos, teleformación e arte dixital.
O Centro Multimedia de Galicia actúa como centro neurálxico da rede de aulas multimedia, prestándolles soporte e mantemento, así como coordinación e reserva dos diferentes eventos que se realizan.
A través deste servizo pódense reservar aulas multimedia para realizar calquera evento sen ánimo de lucro. Poden reservar cidadáns en xeral, grupos e colectivos espcíficos, estudantes, administracións locais ou empresas.
A Sala Audiovisual dispón de equipos informáticos, sistemas de proxección, equipos de imaxe e son e equipos de videoconferencia. Estas salas están pensadas para permitir a transmisión de eventos relevantes, presentacións, cursos etc., que se poderán seguir desde calquera outra aula multimedia.
A sala web está formada por equipos informáticos e equipos de videoconferencia. Permite o acceso á internet de alta capacidade, vídeo baixo demanda, acceso a contidos multimedia e audiovisuais e acceso á AGI e ás súas aplicacións.   Pechar

A Dirección Xeral de Comunicación Audiovisual colabora coa Dirección Xeral de Creación e Difusión Cultural e coa Dirección Xeral de Patrimonio Cultural, e presta un servizo bibliotecario multimedia en rede para que as bibliotecas especializadas e de especial interese para o patrimonio bibliográfico galego xestionen os seus fondos.

Así mesmo, a Dirección Xeral de Comunicación Audiovisual comprometeuse co desenvolvemento das bibliotecas públicas municipais nun proxecto de grande envergadura, no que se pretende que todas as bibliotecas públicas municipais se incorporen a este sistema bibliotecario multimedia en rede (Millennium) a través dunha única interface de busca.

O obxectivo final deste proxecto é que o usuario, dende calquera punto onde estea, poida saber en que biblioteca se atopa o libro que lle interesa ler.   Pechar

A Dirección Xeral de Comunicación Audiovisual pon á disposición do público varios servizos como:

Portal do Audiovisual de Galicia:  este portal ofrece dous servizos: hosting web e hosting de vídeo. Pretendemos que estes servizos sirvan para promover curtas, videoclips ou calquera outra produción audiovisual. Así mesmo, ofrécese un servizo de hosting web, unha web na que enlazar os vosos traballos e que sirva de carta de presentación.

Cartografía das emisións de TV:  o obxectivo deste proxecto é darlle a coñecer á cidadanía as infraestruturas dispoñibles en Galicia para a difusión dos sinais da televisión. Para isto difundiranse mapas de cobertura, fotografías e información cartográfica de acceso gratuíto.

Ferramenta para a presentación telemática da documentación de solicitude das distintas liñas de subvencións que xestiona este organismo dependente da Secretaría Xeral de Comunicación da Presidencia da Xunta de Galicia. Este novo servizo da e-administración inclúe un asistente que lle facilita aos cidadáns a cumprimentación das solicitudes para a súa presentación no Rexistro Ordinario, ou mesmo facer a súa presentación directamente de xeito electrónico no Rexistro Telemático da Xunta de Galicia.    Pechar

As novas tecnoloxías da información e das comunicacións (TIC) xogan, en plena sociedade da información, un papel fundamental, tanto no que se refire á difusión e transferencia de coñecemento como na elaboración dos contidos, e, de xeito especial, na formación. Dende esta opción, se vostede e persoal da Administración autonómica, local ou estatal ou dalgunha outra administración, poderá darse de alta e xestionar as súas matrículas nos cursos por teleformación que xestione a EGAP.   Pechar

A teleformación pon á disposición dos alumnos unha serie de recursos (programas de aprendizaxe en liña que inclúen animacións, simulacións, audio e secuencias de vídeo, grupos de discusión entre expertos e compañeiros, ligazóns aos materiais na web etc.) que permite desenvolver de forma moi activa, comprensiva e flexible as capacidades dos destinatarios da formación (neste caso, os empregados públicos), conseguindo un sistema de aprendizaxe máis individualizado e dinámico, que permite unha constante actualización dos distintos contidos da formación, cunha interacción e proximidade entre investigación e docencia moito maior.
Dende esta opción poderá acceder, mediante usuario e clave, á teleformación da EGAP.   Pechar

Como usuario do sitio web da Academia Galega de Seguridade Pública, poderá acceder á información, rexistrarse en cursos e obter múltiples vantaxes. Para ter acceso completo aos cursos precisa crear unha conta para vostede neste sitio web. Ademais, cada un dos cursos pode ter unha clave de acceso que necesitará para entrar neles. Estes son os pasos que debe seguir:

• Cubrir solicitude de alta.
• O sistema enviaralle unha mensaxe electrónica para verificar que o seu enderezo é correcto.
• Lea a mensaxe e confirme a súa alta.
• Para entrar nos cursos pediráselle unha "clave de acceso", que se lle enviará cando se matricule neles.
• A partir dese momento non precisará empregar máis que o seu nome e contrasinal.

Se xa está dado de alta no sistema, só terá que visitar a opción correspondente.   Pechar

O Siapol é unha aplicación informática en liña que é accesible a través dun navegador ao que todos os usuarios poderán acceder dende calquera ordenador mediante unha clave persoal. Deste modo, os axentes terán un servizo de apoio á súa actividade que lles facilitará a definición e a consulta de procedementos de actuación así como de ferramentas de apoio ao seu labor no ámbito autonómico. O Siapol inclúe 400 procedementos e moitas funcionalidades: consulta, noticias, ferramentas de planificación de actividades, formación e información complementaria. Cun sistema de busca por palabras ou un índice estruturado por materias, pódese acceder a unha actuación reactiva e preventiva que guía o policía en distintas situacións e lle explica qué pasos seguir, o procedemento de investigación, a elaboración de dilixencias, os formularios relacionados, a lexislación e xurisprudencia asociada e as referencias bibliográficas asociadas.     Pechar

O servizo web de asistencia xurídica gratuíta da Dirección Xeral de Xustiza está dirixido aos profesionais designados en procedementos de asistencia xurídica gratuíta así como ás comisións encargadas da tramitación destes. Teñen dereito á prestación da asistencia xurídica gratuíta:

na oficina virtual tributaria poderá realizar dende presentacións telemáticas e valoracións de bens inmobles ata consultar o estado dos expedientes. Ademais, poderá atopar toda a información relativa aos tributos da comunidade autónoma, xa sexan propios ou cedidos, ordenada por imposto e con acceso á súa normativa, guías explicativas e modelos.
Dende esta opción poderá acceder aos servizos con tres niveis de acceso:

      * Servizos con acceso libre.
      * Servizos con certificado dixital. 
      * Servizos de usuarios autorizados con certificado dixital.   Pechar

A oficina virtual de perceptores é a oficina orientada a todos os perceptores que teñen algunha relación contable coa Xunta de Galicia. Poderá acceder dos seguintes xeitos:

Sen necesidade de ningún requisito previo aos seguintes servizos:
      * Validación de documentos: se vostede coñece o MAC do documento, poderá comprobar a súa validez. 
      * Consulta da Lei de réxime financeiro e orzamentario: consulta do texto legal completo. 
      * Consulta ó rexistro público de axudas, subvencións e convenios e de sancións da Xunta de Galicia.
      * Orzamentos do ano en curso: consulta dos orzamentos da Comunidade Autónoma de Galicia para o exercicio actual.

Se vostede posúe un certificado dixital, poderá acceder aos seguintes servizos:
      * Consulta de operacións de pagamentos: permite consultar os pagos que diferentes entidades da Xunta de Galicia fixeron ao seu favor.
      * Mantemento de terceiros: permite consultar e modificar datos persoais, enderezos, teléfono, correo electrónico etc.

DEC corredores e sociedades de corredoría de seguros:
      * Remisión telemática da documentación estatístico-contable dos corredores de seguros e as sociedades de corredoría de seguros á Dirección Xeral de Política Financeira e Tesouro.   Pechar

Esta oficina virtual está pensada para os tramitadores administrativos (TA) e profesionais, para que poidan realizar a presentación de liquidacións de terceiros. Para o uso da oficina virtual na opción USUARIOS REXISTRADOS é preciso solicitar un certificado da Fábrica Nacional de Moeda e Timbre (FNMT) de clase 2 CA.
Son válidos igualmente os certificados expedidos polas autoridades certificadoras admitidas pola Consellería de Economía e Facenda. Nesta páxina web está á súa disposición a ficha para a identificación dos usuarios do seu despacho profesional que van acceder ás nosas aplicacións e o modelo de solicitude de autorización para a presentación e pago telemático de autoliquidacións, que deberá subscribir e asinar o tramitador administrativo (TA). Unha vez cubertos ambos documentos, dirixiranse á Dirección Xeral de Tributos e remitiranse por correo ou por fax ao 981544169, xunto coa certificación acreditativa da súa pertenza a Asociación Nacional de Tramitadores Administrativos (TA) e profesionais (ANTAP).   Pechar

Dende esta opción, se vostede é empregado público e dispón de certificado dixital, poderá acceder aos seguintes servizos na oficina virtual do empregado público:

      * Simulación cálculo de retribucións: para coñecer as retribucións dos empregados públicos.
      * Validación de documentos: se vostede coñece o MAC do documento, poderá comprobar a súa validez.
      * Rexistro de empregados públicos: un empregado público poderá realizar o seu rexistro para poder acceder á información e opcións que precisan deste modo de acceso restrinxido.
Se vostede é un empregado público previamente rexistrado na oficina virtual do empregado público, poderá acceder coa súa clave persoal aos seguintes servizos.
      *Consulta do histórico da nómina: consulta da lista resumida dun perceptor nun determinado mes e ano. 
      *Consulta de operacións na Web: Consulta das operacións realizadas sobre as contas de rexistro dun determinado usuario.
      *Forma de recepción de haberes: Pode cambiar a conta de correo á que quere que se lle envíe o recibo mensual de haberes ou anular o envío do dito recibo.
      *Recibo anual de haberes: consulta dos recibos anuais de haberes.   Pechar

Dende esta opción poderá acceder, mediante certificado dixital, á oficina virtual do Igape. Esta páxina contén todos os puntos de acceso relacionados coa tramitación telemática de expedientes no Igape. Para o acceso a determinados servizos é necesaria a utilización dun certificado electrónico X509 v.3 expedido por entidade certificadora aceptada pola Consellería de Economía e Facenda. Os servizos dispoñibles neste momento son os seguintes:

      * Comprobación de documentación expedida polo Igape. Se vostede ten un documento en papel, sen validación por parte do Igape, e cun código IDE, pode comprobar nesta sección a súa validez (nun futuro tamén poderá obter o dito documento asinado electronicamente polo Igape).
      * Cuestionarios de definición de proxecto definidos en diversas bases reguladoras de axudas do Igape (mellora da productividade, acción exterior etc.) nas que se cita especificamente este modo de tramitación. Necesita certificado electrónico só no caso de que desexe presentalo telematicamente.
      * Cuestionarios de definición de proxecto definidos na Resolución do 9 de maio de 2005 na que se fan públicas as bases reguladoras das axudas do Igape para a elaboración de diagnósticos empresariais. Necesita certificado electrónico só no caso de que desexe presentalo telemáticamente.
      * Notificación telemática. Se vostede elixiu que as notificacións do IGAPE lle sexan entregadas por vía telemática, debe comprobar con frecuencia este servizo.
      * Extranet de entidades colaboradoras. A través deste enlace, as entidades colaboradoras do Igape (por exemplo, entidades financeiras) poden xestionar os seus expedientes en trámite.   Pechar

No ano 2003 iniciáronse os traballos destinados á obtención de datos xeométricos e de equipamento para o inventario da Rede Autonómica de Estradas de Galicia (RAEG).

A eficiente explotación da información adquirida conséguese a través dunha base de datos informatizada.

Un dos resultados do inventario é o Catálogo visual de estradas, accesible dende esta páxina web para calquera persoa. A través deste catálogo accédese á imaxe visual do condutor e aos datos xeométricos máis significativos de calquera punto quilométrico que conforma RAEG. Tamén se pode realizar o percorrido visual ao longo da estrada que se seleccione avanzando ou retrocedendo segundo se necesite.    Pechar

Dende esta aplicación poderá xestionar solicitudes, facer consultas etc. sobre as reservas de prazas e amarres nos portos xestionados por Portos de Galicia.   Pechar

Convenio que regula as actuacións entre a Consellería de Innovación, Industria e Comercio e as entidades avaliadoras da conformidade para o fomento da innovación nos modelos de xestión a través da súa certificación, arbitrando para lograr este obxectivo un sistema de incentivos ás pemes, entidades e organizacións de Galicia. Para estes efectos entenderase por entidades avaliadoras da conformidade a:
      *Aquelas organizacións, de acordo co Real Decreto 2200/95, debidamente acreditadas pola Entidade Nacional de Acreditación (ENAC) para a certificación das normas definidas como alcance na listaxe aberta do anexo VI do convenio.
      *Aquelas organizacións debidamente acreditadas pola entidade responsable da súa xestión e control para a certificación das especificacións definidas como alcance na listaxe aberta do anexo VI do convenio.
De acordo coa cláusula décima do convenio, as entidades avaliadoras da conformidade adheridas a este teñen como único procedemento válido para realizar a solicitude de autorización previa de axuda á certificación a utilización da ferramenta de presentación telemática de expedientes que, para este fin, achega a administración. Para a utilización da aplicación, a Administración achégalle a cada entidade certificadora que cumpra o establecido no procedemento de adhesión definido na cláusula terceira do convenio un identificador de usuario e unha clave de uso exclusivo, que lle permite acceder á ferramenta telemática para tramitar as solicitudes de autorización previa de axuda á certificación de cada expediente. Ademais, as entidades avaliadoras da conformidade poderán comprobar, a través da ferramenta telemática, en que estado de tramitación se atopa cada un dos seus expedientes.
De acordo coa devandita cláusula décima do convenio, o prazo para presentar a solicitude de autorización previa de axuda á certificación dos sistemas de xestión remata ás 24:00 h. do día 30 de outubro de cada anualidade. A xustificación do investimento subvencionable de todos aqueles expedientes autorizados por parte da Consellería de Innovación, Industria e Comercio debe facerse, de modo físico, a través de rexistro ata o día 29 de novembro de cada anualidade, debendo adecuarse á devandita documentación xustificativa ao estipulado na cláusula 11ª do convenio. En todo caso, as entidades avaliadoras da conformidade poden acudir ao texto do Convenio do 12 de marzo de 2004 para resolver calquera tipo de dúbida.   Pechar

Nos últimos anos, Galicia está a incrementar notablemente o número de visitantes foráneos. A nosa oferta turística, que combina diferentes factores, tales como o turismo de natureza, congresos e incentivos, cultural e gastronómico, fan do noso país un destino emerxente nos circuítos europeos. Por este motivo, para atender a demanda globalizada, o coñecemento dos idiomas comunitarios é cada vez máis relevante no sector. Iso leva a Dirección Xeral de Turismo a contribuír na capacitación dos profesionais do sector no desenvolvemento das competencias relacionadas co uso das linguas comunitarias e, seguindo este razoamento, ofrece, a un prezo moi competitivo, un curso de inglés en liña para os colectivos especialmente relacionados co turismo.   Pechar

Nesta páxina, instaladores autorizados pola Consellería de Innovación e Industria poden obter, cubrir e presentar por vía telemática os formularios para a solicitude de Rexistro de instalacións eléctricas de baixa tensión.

Polo de agora, só se poderán presentar a través deste rexistro telemático da Xunta de Galicia as solicitudes relativas ás instalacións eléctricas de baixa tensión que non precisen a confección dun proxecto técnico para a súa tramitación. Para máis información sobre este particular, prema aquí.

Para a utilización deste servizo, o instalador debe dispor de certificado dixital da FNMT Clase 2 CA.   Pechar

Para facilitar aos agricultores a tramitación das axudas no ano 2008, inclúense nunha soa Solicitude Unificada varias axudas directas da PAC baseadas na superficie agrícola da explotación e nos censos de gando, a indemnización compensatoria e outras axudas previstas no Contrato de Explotación Sustentable unificando tamén o período de solicitude.

As axudas que se inclúen na Solicitude Unificada de axudas PAC 2008 son:

1. Solicitude de axuda do réxime do pagamento único.
2. Solicitude de axudas por superficie ligadas á produción.
3. Solicitudes de prima por vacas nutrices.
4. Solicitudes de prima por ovino-cabrún.
5. Solicitudes de pagamento adicional por vacas nutrices.
6. Solicitude de pagamento adicional á produción de carne de vacún de calidade.
7. Solicitudes de pagamento adicional lácteo.
8. Solicitude da reserva nacional de dereitos do réxime de pagamento único.
9. Solicitude de pagamento de axudas agroambientais do período 2000-06.
10. Solicitude de axudas a produtores con métodos de produción respectuosos co ambiente e a conservación da paisaxe.
11. Solicitude de axudas ao benestar animal.
12. Indemnización compensatoria.

Na campaña 2008 pódese tramitar a Solicitude Unificada por calquera dos seguintes procedementos:

• Utilizando os modelos de solicitudes impresos en papel correspondentes a cada tipo de axuda a solicitar, presentando a solicitude nas Oficinas Agrarias Comarcais ou en calquera dos sistemas de presentación previstos no artigo 38.4 da Lei 30/92, do 26 de novembro, de Réxime Xurídico das Administracións Públicas e do Procedemento Administrativo Común.
• Se o agricultor dispón de certificado dixital da Fábrica Nacional da Moeda e Timbre, utilizando o rexistro telemático e a aplicación WEBPAC 2008.
• Se o agricultor non dispón de certificado dixital da Fábrica Nacional da Moeda e Timbre, coa participación dunha entidade colaboradora que teña asinado un convenio co FOGGA e achegando o seu CIF/NIF/NIE e a clave persoal facilitada a cada agricultor polo FOGGA, utilizando a aplicación WEBPAC 2008 e o rexistro telemático.

Acceso á aplicación WEBPAC 2008

Manual do usuario da aplicación WEBPAC 2008 (545 KB)

  Pechar

O control leiteiro é unha ferramenta básica do Programa de mellora gandeira de Galicia. Consiste en rexistrar, obxectiva e sistematicamente, a produción e calidade do leite das femias de raza frisona das explotacións galegas que colaboran co programa, co fin de estimar o valor xenético da poboación. Se vostede ten clave de acceso, poderá consultar os datos individuais da súa explotación.  Pechar

Dende esta sección poderá acceder a tódala información que proporcionan as estacións meteorolóxicas distribuidas ao longo da xeografía galega con todo o detalle das súas medicións. No apartado Información Fitosanitaria, poderá atopar tódolos boletíns publicados ata o momento, así como os avisos emitidos.

Os avisos fitosanitarios, axudarannos a previr pragas e outras incidencias que poidan afectar ás explotacións agrícolas. Dispón de tódalas nosas publicacións e folletos na nosa sección Base documental.

Pechar

Se é vostede un propietario interesado en ofrecer parcelas ao Banco de Terras de Galicia ou ben un agricultor que quere arrendar algunha das parcelas que xa se atopan dispoñibles, comprobe como os trámites son sinxelos e rápidos. Ademais, a través do SITEGAL poderá facer parte dos mesmos cómoda e rapidamente e dende o seu ordenador. 

É vostede un propietario interesado en ceder parcelas ao banco? Vexa como.

É vostede un agricultor interesado en solicitar unha parcela ao banco? Vexa como.

Pechar

Meiga é un proxecto de informatización e creación de redes de bibliotecas dirixido polo Centro Superior Bibliográfico de Galicia.
O proxecto naceu no ano 1997, dirixido polo Centro Superior Bibliográfico de Galicia, coa intención de crear un sistema básico, integral e único para a xestión de bibliotecas pertencentes á rede de bibliotecas de Galicia. Dende esta opción pódese acceder aos fondos rexistrados da rede de bibliotecas dependentes da Xunta de Galicia. Pechar

Neste catálogo aparecen referenciadas todas as publicacións de carácter venal editadas pola Xunta de Galicia. Tamén pode atopar relacións de todas as obras esgotadas e información puntual das últimas novidades.
A web constitúe un catálogo en liña das publicacións editadas pola Xunta de Galicia. Permite consultar a relación de obras esgotadas, así como as últimas novidades.   Pechar

A biblioteca dixital de Galicia pretende ofrecer, ademais da referencia bibliográfica dos impresos, a imaxe e, polo tanto, o acceso ao documento dunha importante parte do patrimonio bibliográfico galego ou de interese para Galicia. Tamén permite consultar nunha base de datos os autores galegos.   Pechar

A Xunta de Galicia, a través da Dirección Xeral de Comunicación Audiovisual e da Dirección Xeral do Patrimonio Cultural, está comprometida co mantemento e conservación dos fondos existentes nos museos, arquivos e outros centros documentais de Galicia.
A Dirección Xeral de Comunicación Audiovisual, a través do CMG, implantou nas súas instalacións a infraestrutura e os sistemas de xestión documental e arquivística necesarios para poder ofrecer solucións integrais a entidades tales como arquivos, museos, centros de documentación etc. Estas ferramentas ofrecen características de xestión administrativa, consulta e acceso aos fondos, control de transferencias e outras que facilitan as tarefas e a prestación de servizos inherentes a estes centros, apoiando a difusión e consulta da información dispoñible.
O proxecto de integración de arquivos nun sistema de xestión documental en rede xorde coa necesidade dos arquivos de dispoñer dunha ferramenta de xestión documental específica que permitirá compartir entre varios arquivos recursos, tanto de material informático como de persoal experto nestes sistemas. Outro factor que inflúe na xeración deste proxecto é o nacemento dun estándar internacional de unificación da documentación arquivística. A tendencia dos arquivos a seguir este estándar e a necesidade dunha ferramenta informática global e moderna conforman, en definitiva, dous argumentos de peso capaces de xuntar os diversos arquivos dependentes da Consellería de Cultura nun proxecto común.
O directorio de arquivos de Galicia  achega datos de interese, así como as súas webs respectivas. Inclúe, asemade, unha ampla colección de ligazóns de interese. Esta ferramenta ofrece a consulta e acceso aos fondos dos arquivos dispoñibles, apoiando a difusión e consulta da información.   Pechar

Esta sección está pensada para informar a cidadanía sobre os servizos sanitarios que ofrece o sistema público de saúde. Aquí poderá localizar calquera unidade do sistema público de saúde ou coñecer o seu funcionamento. Dende esta opción, vostede, como usuario do Sergas, poderá realizar xestións en liña como:      
      *Solicitar, consultar ou modificar unha cita de atención primaria. 
      *Solicitar a tarxeta sanitaria ou realizar calquera cambio de datos.
      *Se vostede fixo un trámite de tarxeta sanitaria, consultar o seu estado.
      *Buscar en toda a carteira de médicos do seu centro de saúde.
      *Solicitar unha nova tarxeta por perda, rotura ou deterioración.
      * Guía de servizos personalizada.
      * Cambiar o médico.
      * Información de tarxeta sanitaria.
      * Solicitar a tarxeta de doador de órganos e tecidos.
      * Subscribirse tematicamente a alertas, co fin de recibir avisos no móbil a través de SMS sobre as novas na sanidade.
      * Acceso aos datos da lista de espera cirúrxica a través do espazo electrónico da Sanidade pública galega, sempre e cando se dispoña de DNI electrónico ou certificado dixital da Fábrica Nacional de Moeda e Timbre. 
      * Acceso á Oficina do Provedor que dá soporte aos procesos de comunicación máis habituais entre o Servizo Galego de Saúde e os seus provedores. Permítelles realizar unha consulta ou modificación dos seus datos, e coñecer as relacións económicas. 
Para realizar estas xestións  é indispensable que teña á man a tarxeta sanitaria, o DNI electrónico ou o certificado dixital da FNMT co obxecto de que cubra axeitadamente os datos necesarios. O uso indebido da tarxeta sanitaria será responsabilidade do seu titular.   Pechar

Dende esta opción poderanse facer consultas enliña sobre:
   * Establecementos de cultivos mariños e auxiliares.
   * Cuadrículas vacantes e ocupadas nos polígonos de viveiros.
   * Trámites administrativos para o outorgamento e a modificación dos títulos habilitantes necesarios para exercer a actividade.
   * Unidades da Consellería de Pesca e Asuntos Marítimos responsables da xestión dos procedementos administrativos en materia de acuicultura mariña.
Pechar

Dende esta opción pode facer diversas xestións en liña relacionadas coas licenzas de pesca marítima, como, por exemplo:
Se posúe certificado dixital da FNMT.
   *Alta da licenza.
   *Renovación da licenza.
   *Consulta e duplicado da licenza.
Se non posúe certificado dixital.
   *Renovación da licenza.
   *Consulta e duplicado da licenza.
Normativa: Orde de 14 xuño pola que se regula a obtención e renovación das licenzas de pesca deportiva en superficie clase A.
Pechar

Esta web está estruturada en tres grandes bloques de información, distribuídos do seguinte xeito:
Información estatística.
   * Rexistro de buques pesqueiros da Comunidade Autónoma de Galicia.

Información comercial.
   * Cotizacións diarias dos produtos pesqueiros frescos.
   * Poxas en liña.
Ligazóns a páxinas de interese pesqueiro.
   *Consellería de Pesca e Asuntos Marítimos.
   *Libro verde da política marítima de Galicia.
   *Centro de Control do Medio Mariño.
   *Páxinas web de cada unha das lonxas galegas.
   *MeteoGalicia e Instituto Nacional de Meteoroloxía.
   *Fishbase (identificación de peixes). 

Pechar

O Portal galego de formación pesqueira oriéntase ao público xeral e tamén recolle boa parte da información especializada que podiamos atopar.
O portal dispón de cursos en liña, como son técnico en pesca; transporte marítimo; plan de formación, navegación e comunicacións do buque; pesca: extracción e conservación; seguridade, supervivencia e primeiros auxilios no mar.
No centro de recursos podemos atopar dende unha sección dirixida á infancia - Pescalandia - ata unha biblioteca de obras técnicas e lexislativas.
No centro de documentación dispoñemos de  materiais de carácter divulgativo, incluídos a Guía do consumidor de peixe fresco e documentación en formato texto.

Tamén dispón de informacións sobre lonxas, mareas, estatísticas etc.

Pechar

SIRGA é un portal a través do cal cidadáns, empresas e administracións poden acceder a información sobre a xestión de residuos en Galicia e tramitar, por vía telemática, diferentes procedementos administrativos. O acceso privado de SIRGA vai dirixido a empresas ou particulares que estean inscritos ou en trámites de inscrición no rexistro xeral de produtores e xestores de residuos de Galicia. Como usuario rexistrado, poderá consultar os seguintes servizos:
      *Rexistro xeral de produtores e xestores de residuos de Galicia.
      *Estado dos expedientes.
      *Tramitar os documentos de traslado de residuos perigosos dentro do ámbito territorial de Galicia coas seguintes vantaxes:
          - Consulta en tempo real dos seus expedientes e autorizacións, con información administrativa sobre a documentación requirida e presentada, datas e prazos.
         - Presentación vía telemática (con certificado dixital) dos documentos de traslado de residuos perigosos, substituíndo así a presentación dos documentos impresos en papel. Posibilidade de elaborar informes a medida.  Pechar

 

Ferramenta deseñada para a validación dos centros productivos galegos. Está dirixida a titulares de instalacións obrigadas a notificarllo á Dirección Xeral de Calidade e Avaliación Ambiental os datos sobre as súas emisións polo menos, unha vez ao ano. A través desta páxina web poderán levar a cabo por vía telemática a devandita declaración.
EPER é o Inventario europeo de emisións contaminantes. Os tipos de emisións recollidas en EPER son emisións á atmosfera e emisións á auga.    Pechar

O  solo é un medio receptor da contaminación moi sensible e vulnerable. Esta contaminación representa un serio risco para a saúde humana e os ecosistemas. Historicamente, os estudos de detección da contaminación e as intervencións de prevención centráronse en diferentes áreas do medio, sen ter en consideración o solo como receptor e transmisor da contaminación. Isto débese tanto á complexidade do seu estudo como ao atraso existente na manifestación dos seus efectos.
A primeira norma legal que permitiu unha protección da calidade dos solos foi a Lei 10/1998, do 21 de abril, de residuos . Esta lei regula os aspectos ambientais dos solos contaminados e faculta as comunidades autónomas para declarar, delimitar e inventariar os solos contaminados, debido á presenza de compoñentes de carácter perigoso de orixe humana.
O Real decreto 9/2005, polo que se establece a relación de actividades potencialmente contaminantes do solo e os criterios e estándares para a declaración de solos contaminados, supón o desenvolvemento normativo da Lei 10/1998 en materia de solos. Como primeira actividade, este real decreto obriga as empresas afectadas á preparación dun informe preliminar de situación. A data límite para a entrega deste informe é o 7 de febreiro de 2007.   Pechar

A través deste servizo, os pescadores con licenza en Galicia poden tramitar, por vía telemática, diferentes procedementos administrativos relacionados coa pesca fluvial. O acceso aos servizos pode ser público ou privado.

Servizos privados:
         * Solicitude para participar no sorteo de quendas para elixir coutos de pesca. Este servizo permite a presentación telemática da solicitude de participación nos sorteos para a elección de permisos de pesca en coutos para a temporada 2007, segundo o establecido no artigo 34º do Regulamento de ordenación da pesca fluvial e dos ecosistemas acuáticos continentais (Decreto 130/1997, do 14 de maio).  
       * Consulta do estado da solicitude para participar no sorteo de quendas para elixir coutos de pesca. Este servizo permite a consulta do estado das solicitudes, tanto as telemáticas como as presentadas en papel unha vez son recibidas e mecanizadas. O sistema permite saber se a solicitude foi correctamente recibida e o seu resultado no sorteo unha vez se celebre.
Servizos públicos:
      * Consulta de dispoñibilidade de coutos de pesca. Unha vez se pon en marcha o procedemento de selección de permisos de pesca, os participantes poden consultar en tempo real a súa dispoñibilidade a través deste servizo. 
      * Estado dos sorteos de quendas para elixir coutos.   Pechar

Arquivo de histórico de contratación: dende esta opción o usuario poderá consultar o histórico da contratación da Consellería de Medio Ambiente e Desenvolvemento Sostible. Poderanse facer consultas a partir da descrición da contratación, empresa adxudicataria, importe etc. Pechar

O Portal de emprego permitiralle a todos os usuarios do sistema demandantes de emprego, empresarios, xestores de emprego, orientadores laborais etc. o acceso ao conxunto dos servizos ofrecidos polo Servizo Público de Emprego de Galicia, coas vantaxes de accesibilidade, velocidade e  proximidade que as novas tecnoloxías ofrecen.

Todo o contido do portal soporta un contorno multilingüe e está desenvolto tanto en galego como en castelán. Ademais o portal cumpre co nivel AA das recomendacións de accesibilidade WAI do W3C.

O portal consta dunha área pública, de acceso non limitado e de varias áreas restrinxidas para demandantes, empresas e oficinas. Os accesos ás áreas restrinxidas serán posibles mediante login/password, aínda que certos servizos só serán posibles mediante o uso de firma dixital autorizada pola Xunta de Galicia.

Servizos dispoñibles:

• Para os demandantes: modificación ou impresión do seu currículo, de tal xeito que o interesado pode intervir directamente; solicitude de servizos de orientación laboral e de formación ocupacional; comprobación da dispoñibilidade e renovación da demanda de emprego; axenda persoal de citas e intercambio de mensaxes coa súa oficina.

• Para as empresas: introdución de preofertas de traballo; obtención dos currículos dos candidatos á oferta; introdución de códigos de selección de empresario; consulta e peche de ofertas.

• Para as oficinas de emprego: mecanización automática de datos; comunicación cos demandantes de emprego dun xeito individual ou masivo e xeración de eventos de interese; sistema de identificación e punto único de entrada.   Pechar

A Subdirección Xeral de Formación Ocupacional, que está encadrada dentro da Dirección Xeral de Formación e Colocación da Consellería de Traballo, xestiona desde o ano 1993 os cursos de formación profesional ocupacional (Plan FIP), que van dirixidos exclusivamente a desempregados, para lograr a súa incorporación a un posto de traballo cando carecen de formación suficiente para o acceso ao mercado laboral.
Xestiona, asimesmo, as accións formativas, dirixidas tanto a desempregados como ocupados, cofinanciadas pola Unión Europea (Fondo Social Europeo) e, desde o ano 2004, as accións de formación profesional continua, anteriormente xestionadas polo Forcem, que inclúen contratos programa e accións complementarias.
Esta é unha plataforma a través da que se está a dar cursos de formación ocupacional a distancia, segundo as bases que rixen na correspondente convocatoria anual.   Pechar

O programa FORIET é un proxecto común levado a cabo pola Consellería de Traballo da Xunta de Galicia e o Instituto de Emprego e Formação Profissional de Portugal. Os cursos que promove o programa FORIET teñen por obxectivo favorecer a inserción laboral da cidadanía galega e portuguesa e tamén ofrecer un programa extenso e completo, seleccionando especificamente formación de carácter ocupacional naqueles sectores que fosen identificados como xeradores de emprego en ambos os dous países. Dende este acceso pódese acceder a teleformación en liña.   Pechar

Esta páxina web permítelles a emprendedores e demais demandantes dos servizos da rede localizar o técnico máis próximo ao seu concello a través do directorio, así como informarse sobre o funcionamento dos distintos programas das políticas activas de emprego para o fomento do autoemprego e da contratación por conta allea, xestionados pola Consellería de Traballo. A web constitúe, ademais, unha ferramenta de traballo dos técnicos de emprego para o intercambio de experiencias profesionais, proxectos, e toda a información de interese que pode resultar de utilidade no cumprimento das súas funcións.   Pechar

A Consellería creou o Rexistro Único de Demandantes de Vivenda Protexida co que se pretende ter información rigorosa sobre a demanda de vivenda protexida e permitirá evitar irregularidades na compravenda de vivenda protexida.  É CÓMODO xa que a consellería pode incluirte no sorteo de cada promoción que se axuste á túa solicitude; EFICAZ, porque permite coñecer a demanda real de vivenda protexida; e TRANSPARENTE, na adxudicación da vivenda.

Dende esta opción poderás consultar os teus datos, introducindo o teu DNI, NIF ou número de pasaporte e o Número de Expediente.   Pechar

O Plan de Vivenda 2005-2008 ten coma obxectivo favorecer o acceso a toda a cidadanía a unha vivenda de calidade a través de diferentes inicativas que van dende as axudas directas á subvencións de axentes intermediarios.

A Consellería de Vivenda e Solo no seu esforzo para favorecer o acceso a vivenda de toda a cidadanía pon en marcha diferentes iniciativas e programas, enmarcados no Plan Vivenda 2005-2008. Ao pensar na túa vivenda terás exposto moitas cuestións; que tipos de axuda existen, cales son os seus requisitos.
Esta ferramenta quere facilitarche información e recursos para responder ás tuas preguntas. En só 5 minutos poraste ao día, coñecerás todas as posibles axudas, coñecerás o Plan Vivenda 2005-2008 en profundidade.  Pechar

O Rexistro de convenios pretende ser un elemento fundamental no proceso global de mellora dos mecanismos de transparencia e publicidade da actuación da Xunta de Galicia. En cumprimento deste compromiso de transparencia, nesta páxina poñemos a disposición da cidadanía a posibilidade de consultar a base de datos dos convenios asinados pola Xunta de Galicia e os seus organismos dependentes.   Pechar

Este programa presta información sobre prestacións e recursos sociais, soportes documentais, pautas e metodoloxía de traballo social, convocatorias de axudas nas diferentes áreas de actuación, solicitudes, exemplos prácticos, formación, lexislación, así como direccións de interese, enlaces coa internet, novidades etc. Ao mesmo tempo serve como instrumento de traballo social operativo e axustado á realidade unificando criterios de actuación dos/das traballadores/as sociais atendendo aos criterios da lexislación vixente.   Pechar

As páxinas informativas da rede de información xuvenil son un espazo no que se pretende poñer á disposición de todo o mundo unha nova forma de entender a información sobre as diversas actividades que son de especial interese para os mozos e mozas de Galicia.

Estas páxinas non pretenden só servir como mero transmisor de información e novas de interese para a xuventude, senón que, grazas á cada vez maior difusión das novas tecnoloxías, conta coa clara vocación de converterse nun espazo aberto de participación da xuventude galega e da de todo o mundo.

Así mesmo, estes avances tecnolóxicos permíten achegarnos a toda a mocidade galega, independentemente do seu lugar de residencia, de xeito que podemos atender as necesidades informativas tanto da mocidade urbana como as da que habita no medio rural, permitindo que todos teñan acceso en igualdade de condicións á información sobre os máis variados temas, dende a educación e o emprego ata as diferentes formas de expresión artística e cultural, o medio, a vivenda, o asociacionismo, o voluntariado, a realidade europea, os deportes ou calquera outra actividade de lecer.

Neste espazo da rede poderedes acceder a diferentes seccións nas que se ofrecerá unha información permanentemente actualizada, prestando especial atención aos diversos programas desenvolvidos pola Vicepresidencia da Igualdade e do Benestar co fin de lle ofrecer á mocidade de Galicia novos medios para o seu desenvolvemento persoal e a súa participación activa na sociedade.  Pechar

Novo portal web deste departamento dependente de Vicepresidencia, no que os usuarios poderán publicar colaboracións propias, compartir receitas culinarias ou expoñer a súa obra artística na internet mediante unha galería virtual.
O novo portal non se centrará en difundir as actividades do departamento de Vicepresidencia, senón que buscará a "transversalidade" de contidos xa que aos mozos "lles preocupan os mesmos temas" que ao resto da sociedade galega.
Este sitio web conterá unha sección de emprego, así como indicacións sobre os itinerarios formativos e instrucións para elaborar unha carta de presentación ou un currículo. Tamén ofrecerá información sobre as axudas para alugar vivendas, os dereitos do arrendatario ou as residencias universitarias dependentes da Xunta.
Outras seccións difunden aspectos da saúde xuvenil, como os trastornos da alimentación, a información afectivo-sexual, as drogas ou a realización de tatuaxes e colocación de pendentes. O portal web informará os mozos sobre diversas formas de asociacionismo, xa que este constitúe un "termómetro da calidade democrática" dunha sociedade.
Xuventude.net incluirá un taboleiro de anuncios, listas de correo individualizadas e consultas en liña que serán respondidas en menos de 48 horas. Cada unha das seccións do portal incluirá unha parte dirixida especificamente a internautas que padezan algunha discapacidade.  Pechar

A aplicación informática CATIV@S para a xestión de información dos menores: permite transmitir información entre todas as entidades que interveñen con un menor e, ó mesmo tempo, serve de almacén de tódolos documentos que se van xerando. Calquera das persoas que interveñen no proceso (non só as delegacións e as dos servizos centrais) pode acceder a unha boa parte dos documentos relativos aos menores. A aplicación inclúe tamén os modelos de tódolos documentos (informes, resolucións, solicitudes,...) que mais frecuentemente se usan nestes procedementos. Este uniformización vai a facilitar tanto a redacción como a análise da documentación. As entidades que interveñen cos menores van a poder acceder a través de Internet a información. Esta entidades disporán de claves e contraseñas de acceso e a información circula encriptada.  Pechar